Vert að benda á vefsíðuna kjósa.is
Þar getur fólk skráð sig á undirskriftalista sem vill alþingiskosningar sem fyrst.
Um að gera að skrá sig og benda öðrum á síðuna (nema maður vilji ekki stjórnina frá).
Skáldið Kristian Guttesen verður fulltrúi Íslands á tólftu „Ditet ë naimit“ skáldahátíðinni í Makedóníu, dagana 23. – 26. október næst-komandi.
Á hátíðinni verða skáld frá Evrópu, Afríku og Kanada. Önnur norræn skáld sem taka þátt eru Anni Sumari frá Finnlandi og Trine Andersen frá Danmörku. Ráðgert er að Kristian taki þátt í þremur upplestrum.
Samhliða hátíðinni kemur út veigamikið þýðingarit með albönskum þýðingum á ljóðum þátttakenda, og verða þar á meðal ljóð úr Glæpaljóðum Kristians sem JPV útgáfa gaf út á síðasta ári.
http://www.forlagid.is/Forsida/Article.aspx?id=4083
http://www.bokmenntir.is/displayer.asp?cat_id=5&module_id=220&element_id=2147
Veit einhver um eftirpartí?
Í Kastljósviðtali um daginn sagði seðlabankastjóri eitthvað á þá leið að líkja mætti hruni bankakerfisins við íkveikju götustráka sem höfðu hagað sér eins og brennuvargar á opnu leiksvæði sem hann hefði að vísu komið á.
Ef það er rétt greining og bruninn er brennuvörgunum að kenna, af hverju voru engar brunavarnir?
Hvers vegna var ekkert brunaeftirlit?
Fékk þetta skeyti á ljóðlistarpóstlista sem nýverið var stofnað til:
Ljóðskáldið Kristian Guttesen tjáir sig um kreppuna við Dagens Nyheter.
“Kristian Guttesen beskriver sin familj som en genomsnittlig isländsk familj. Han har märkt av krisen på att maten blivit dyrare, liksom huslånet. Men samtidigt rycker han på axlarna – han tycks inte vara lika orolig som sin fru.
- Vi kan anpassa oss, vi klarar oss, säger han.”
http://www.dn.se/DNet/jsp/polopoly.jsp?d=3130&a=837503
- – -
Blaðamaðurinn sem tók viðtalið, Dan Lucas, stoppaði okkur hjónin fyrir utan Bónus á Laugavegi í gær. Ég hef séð viðlíka erlenda fréttamenn á ferli síðustu daga. Allir að leita að Íslendingi sem er tilbúinn að bölva kreppunni og ákalla guð sinn. Afstaða mín er sú að þótt ástandið sé slæmt hér á Íslandi eins og er, þá er það líka svo annars staðar í heiminum. Kreppa eða engin kreppa. En sumir sáu þetta nú fyrir. Verst að þeir höfðu engin völd.
Ef þolinmæði er dyggð í skák,
hvað er dyggð í fjármálakreppu?
Stjórnmálamenn snúa sér að því að veita áfallahjálp.
Í dag komst ég að raun um að í skák er þolinmæði dyggð. Það ætla ég að reyna að muna.
Mér sýnist að ljóðið mitt í TMM 2007 · 4 hafi verið stælt í Lesbókinni í morgun. En kannski er það bara oftúlkun.
Gott og vel. Nú er „grasekkils vika“ á enda. Og það er orðið ljóst að börnin á heimilinu borða ekki matinn hans pabba. Ég neita að trúa að það hafi eitthvað með grænmetisfæði eða matseldina að gera.
Margir kannast við hið svokallaða akademíska korter.
Í dag heyrði ég nefndan hinn sálræna klukkutíma.
Ég var staddur í Odda.
guttesen.is » afskorið eyra er knúið með WordPress.
Upphaflegt sniðmót hannaði Kristina Ana Matanguihan (Tina).
