DEUS kynnir: Ný ljóð frá Bjarna Bernharði

– Ljóðin eru bikar helltur fullur af myrkri –

Bókaútgáfan Deus sendir frá sér sína áttundu afurð, Vélgöltinn eftir Bjarna Bernharð. Í þessari bók gerir skáldið upp við örlagaríka atburði fortíðarinnar. Bókin skiptist í stutta og ljóðræna texta og lengri prósa. Ljóðlist Bjarna Bernharðs hefur seinni árin einkennst af meiri ljóðrænni kyrrð og myndrænni fegurð en æskuverk hans báru með sér og er anægjulegt að fylgjast með þessum þroska á höfundarferli Bjarna.

Í sýruskipinu
sigli til ókunnra heima.
Þungur straumur
þykir villuhætt.

Furðum
bregður fyrir
á fölbleikum himni.

Að lokum
étur vélgölturinn
alla ferðina.

Vélgölturinn er tólfta ljóðabók Bjarna Bernharðs. Hann hefur fengist við skáldskap og málaralist í þrjá áratugi. Um fyrri bækur hans sögðu gagnrýnendur meðal annars:

„Bjarni þeytir sér á flug.“
           – Eiríkur Örn Norðdahl

„Ljóðheimur hans er menningarkimi, jaðarmenning.
Ljóðin eru bikar helltur fullur af myrkri.“
          – Skafti Þ. Halldórsson

---

ISBN: 9979-9534-7-0 / 9789979953470

Panta

Vélgölturinn

Nú er komin út hjá JPV útgáfu ljóðabókin Glæpaljóð eftir Kristian Guttesen. Í henni eru 54 ljóð.

Opinská, persónuleg og fjölbreytt ljóð frá ungum höfundi sem hefur frá tvítugsaldri birt sögur og ljóð í tímaritum og dagblöðum á Norðurlöndunum, sent frá sér eina þýðingu, útvarpsleikrit og nokkrar bækur.

„Þar gengur ungur maður ótrúlega nálægt sjálfum sér í opinskáum, í hæsta máta persónulegum ljóðum um jafnerfitt efni í ljóð og fóstureyðingu. Þetta er mergjuð bók og ekki spillir forsíðumyndin sem er af dúkkunum hans Jóhanns Ludwigs Torfasonar.“
- Silja Aðalsteinsdóttir / tmm.is

„Spennandi skáldskapur og kröftug bók“
- Sigurður Hóarsson: Fréttablaðið
20. okt 2007

Brekkan er ógnarsterk verðlaunasaga um ungan mann sem dvelur á réttargeðdeild. Hann skrásetur brotakenndar minningar sínar og smám saman verður úr heildarmynd af einstaklingi sem dregur lesanda inn í frumstæðan og kæfandi heim geðveikinnar. Bók sem skilur eftir sig áleitnar hugsanir.

„Frumraun á heimsmælikvarða!“
- Ida Berntsen: Dagbladet, Noregi

„Stórkostlegur skáldskapur!“
- Lars Bjødestrup: Kommakongen.dk, Danmörku

„Carl Frode Tiller er upprennandi stjarna norskra bókmennta.“
- Jón Atli Jónasson

„Hér er ekkert verið að skreyta eða hlaða um of … sagan er afburða vel skrifuð og hnitmiðuð. Orðfærið er beitt og ógnvekjandi. “
- Gitte S. Larsen: Kirkebladet, Danmörku

„4 stjörnur af 5 mögulegum.“
- Kristjón Kormákur Guðjónsson

„Alveg mögnuð saga, það er hreinlega hægt að finna íkornatennurnar naga mann að innan og skordýrin skríða undir húðinni löngu eftir að lestrinum er lokið.“
- Steinunn Inga Óttarsdóttir: Morgunblaðið 14. des 2006

„Snilldarlega vel skrifuð saga … Það er fengur að svona þýðingum.“
- Súsanna Svavarsdóttir: Fréttablaðið 19. des 2006

„… ég las rétt fyrir jól snilldarlega þýdda bók. Það var Kristian Guttesen sem þýddi bókina Brekkuna eftir norska höfundinn Carl Frode Tiller. Þessa bók lagði ég varla frá mér fyrr en henni var lokið. Langt síðan ég síðast tók fram bók sem ég gat ekki sofnað út frá, ég bara varð ekki þreytt við lestur hennar.“
- Þorgerður Mattía: upsaid.com/hugskot

„Svakaleg lesning alveg hreint. Mæli með henni.“
- Þórey Kristín: thoka.blog.is

„Sagan er virkilega vel skrifuð og mjög svo áhugaverð. Þetta er saga sem gleymist ekki í bráð.“
- Eva Sigríður: blog.central.is/sirrys

Ljóðmælandinn dvelur á draugasetri þar
sem draumar og veruleiki verða eitt. Þar
sem dauðir ríkja og enginn tími líður.
Ljóðahrollvekjan Litbrigðamygla er sjötta
bók Kristians Guttesen.

„Skyldu þessi húsakynni ekki vera vistarverur hugans, þar sem allt gengur aftur…“
- Ástráður Eysteinsson: TMM · 3, 2006

Númer tvö á metsölulistum DV og Fréttablaðsins (vikuna 28. des - 3. jan 2006)

Númer þrjú á metsölulistum DV (vikuna 30. nóv - 6. des 2005) og Morgunblaðsins (vikuna 29. nóv - 5. des 2005)

Nýtt! Nýtt!
Lesið ritdóm Guðbjörns Sigurmundssonar úr Bókablaði Morgunblaðsins 20. des 2005
Myndir á kápu:
© 2005 Neptúnus Egilsson Gabriel Hirt

„Að koma við sögu þar sem áður var ekki neitt.“
	Sögupersónan er rithöfundur sem er á mörkum ljóss og myrkurs og sér svipmyndir úr lífi sínu renna hjá eins og í kvikmynd.

„Að endingu er markmiðið að frelsa fjöldann.“
	Hann tekur þátt í andófinu og gerir tilraunir með eiturlyf, þau leysa úr læðingi ókunn öfl.

„Við finnum nýtt tungutak og erum afsprengi bítskáldanna.“
	Hann talar tungumál guðanna og gefur út torræðar, tvíeggja og háfleygar ljóðabækur.

„Ekki aðeins að kenna sig við kynslóð og samsvara sig kenningum hennar.“
	Eftir að hafa lent í bílslysi vaknar rithöfundurinn á spítala og heyrir raddir.

„Hvert á takmarkið að vera með því að yrkja?“
	Höfundur er þrítugur og hefur áður gefið út ljóðabækurnar Afturgöngur, Skuggaljóð, Annó og Ígull..

Þriðja frumorta bók Kristians Guttesen en hinar fyrri eru Afturgöngur árið 1995 og Skuggaljóð árið 1998. Frá síðustu ljóðabók hefur Kristian markvisst þróað skáldarödd sína og kveður hér við ferskan og óvæntan tón.

„Fjári fín ljóðabók.“
- Eiríkur Örn Norðdahl: Ljóð.is, 2003

„Húmorinn er á sínum stað, sérstaklega í smámyndunum sem brugðið er upp úr hversdagslegum veruleika.“
- Hjalti Snær Ægisson: Són · 3, 2005