Gimsteinn Afríku

Nýr forseti tekur við völdum þann tuttugasta og fyrsta þessa mánaðar, en mikil óvissa ríkir um það hvernig honum muni takast að leiða hina ólíku þjóðflokka saman í sátt. Sagt er að innan þeldökku þjóðflokkanna ríki ennþá meira kaldlyndi og ólund en á meðal hvítra og svartra. Goggunarröðin skapaðist þegar þrælahaldið var innleitt og lifir enn á meðal hinna innfæddu.

Í riti frá ÞSSÍ segir: „Namibía, sem stundum er kölluð „gimsteinn Afríku", er land stórbrotinnar náttúru og fjölskrúðugs [mannlífs]. Þetta er land andstæðna og þar má bæði finna víðáttumiklar eyðimerkur og gróskumikla skóga.

Margbreytileikinn meðal mannfólksins er ekki minni. Í Namibíu býr fólk af ólíkum menningaruppruna og ólíkum efnahag.

Í þessu stóra og strjálbýla landi falla tveir þriðju hlutar alls auðs í hendur 10% íbúa. Þorrinn af landsmönnum, eða um 90%, má síðan deila þeim þriðjungi sem eftir er." (Namibía, Smárit ÞSSÍ, nr. 2, bls. 3)

1

2

3