Fyrirskipað að lækka (1)

Hvernig er samstarfinu ykkar háttað? Er einfalt að sameina tvö form eins og tónlist og ljóð?
„Það fer allt eftir því hvað maður á til. Margrét Lóa átti sjálf upptökur af sínum ljóðum, þannig að mér gafst tækifæri til að máta ljóðin við tónlistina sem ég átti til og við það sem ég átti í smíðum,“ svarar Gímaldin.
Margrét Lóa bætir því við að notkun Gímaldins á hinum ýmsu hljóðbrellum gefi ljóðunum nýja vídd. Eða eins og Gímaldin orðar það sjálfur, „Stundum verða orðin eins og hljóðfæri.“

Diskinum fylgir bók – Ljóðasafnið þitt, Margrét. Hversu mikilvægt er hið prentaða orð?
„Það er í sjálfu sér plús en þú þarft að upplifa heildina, tónlistin hefur aukið vægi. Mér finnst Gímaldin fara sérstakar leiðir við að draga fram stemningu, til dæmis með Vindhviðu – diskótakti og krafti. Þannig upplifi ég að tónlistin magnar upp textann
og textinn magnar upp tónlistina. Ég er mjög hrifin af öllu sem er margbrotið, alveg eins og eitthvað sem er gegnsætt eða hefur margar hliðar.“

1

2

3

4

5

6