Stundum verða orðin eins og hljóðfæri

Um síðustu jól kom út ljóðadiskurinn Hljómorð eftir skáldkonuna Margréti Lóu Jónsdóttur og tónlistarmanninn Gísla Magnússon, Gímaldin. Þau hafa skapað sér nafn hvort á sínu sviðinu en síðastliðin ár hafa þau komið annað slagið fram saman og flutt orð við tóna. Útkoman er verk sem hrífur hlustandann á vit tónskáldskapar við krefjandi gítar og þungan trommutakt.

Á diskinum er að finna úrval ljóða Margrétar við undirleik Gímaldins. Þessa dagana er hann á samt hljómsveit sinni, 5tu herdeildinni, að leggja lokahöndina á aðra plötu sveitarinnar, sem kemur í plötubúðir innan skamms. Margrét Lóa hefur hins vegar gefið út fjölmargar ljóðabækur en vinnur nú að ritun skáldsögu.

1

2

3

4

5

6